మీ ఆంగ్లం అద్భుతం
బెండపూడి విద్యార్థులతో యూఎస్ కాన్సులేట్ జనరల్ మాటామంతి.
అమెరికా యాసలో అనర్గళంగా ఆంగ్లం మాట్లాడడంపై ప్రశంసలు
తొండంగి : కాకినాడ జిల్లా బెండపూడి జెడ్పీ హైసూ ్కల్ విద్యార్థులు ఆంగ్ల భాషలో కనబరుస్తున్న ప్రతి భను గుర్తించిన అమెరికన్ కాన్సులేట్ జనరల్ డోనాల్డ్ హెప్లిన్ వారితో శుక్రవారం వెబ్ ఎక్స్ కాన్ఫ రెన్స్ ద్వారా ముచ్చటించారు. అమెరికా యాసలో విద్యార్థులు ఇంగ్లిష్ మాట్లాడడంపై ఆయన అభినం దనలు తెలిపారు. బెండపూడి జెడ్పీ హైస్కూల్ విద్యార్థులు అమెరికా యాసలో ఇంగ్లిషు అనర్గ శంగా మాట్లాడడంతో సోషల్ మీడియాలో వైరల్ అయ్యింది. సీఎం వైఎస్ జగన్మోహన్రెడ్డి ప్రత్యే కంగా విద్యార్థులను పిలిపించుకుని ముచ్చటిం చారు. ఇది కాస్తా జాతీయ మీడియాలో ప్రసారం కావడంతో అమెరికన్ కాన్సులేట్ అధికారుల దృష్టికి వెళ్లింది. దీంతో బెండపూడి జెడ్పీ హైస్కూల్ విద్యా ర్థులతో మాట్లాడేందుకు ఏర్పాట్లు చేయాలని ముఖ్యమంత్రి కార్యాలయాన్ని అమెరికన్ కాన్పు లేట్ అధికారులు కోరారు. ఈ మేరకు విద్యాశాఖ ఆ ద్వర్యంలో వెబ్ ఎక్స్ ద్వారా విద్యార్థులతో యూ ఎస్ కాన్సులేట్ జనరల్ డోనాల్డ్ హెప్లిన్ మాట్లాడేం దుకు బెండపూడి హైస్కూల్లో ఏర్పాట్లు చేశారు. డోనాల్డ్ హెప్లిన్తో విద్యార్థులు మేఘన, రీష్మ, తేజస్విని, వెంకన్నబాబు మాట్లాడారు. సుమారు 20 నిమిషాలు విద్యార్థులు, ఉపాధ్యాయులతో ఆయన ముచ్చటించారు. ఎంత మందికి అమెరికాలో చదువుకోవాలని ఆసక్తి ఉందని ప్రశ్నించారు. విద్యార్థులంతా అమెరికాలో చదువు కునేందుకు ఆసక్తిగా ఉన్నామని బదులిచ్చారు. ఆంధ్రప్రదేశ్, అమెరికా సత్సంబంధాల అభివృద్ధికి ఆంగ్లభాష వారధిగా నిలుస్తుందని పేర్కొన్నారు. విద్యార్థులను తీర్చిదిద్దిన ఉపాధ్యా యుడు ప్రసాద్ను కూడా హెప్లిన్ ప్రత్యేకంగా అభినందించారు.
No comments:
Post a Comment